مصر عظيمة من آلاف السنين..

 .

مصر عظيمة من آلاف السنين..

لما كان بيتعرض مسلسل «نبي الله يوسف» من كذا سنة، لفت نظري حاجة مهمة جدا ، وكويس ان الايرانيين صُنّاع الفيلم فاكرينها وأبرزوها وخلدوها في المسلسل....

لما أخوة يوسف عليه السلام سافروا من «أرض كنعان» اللي هي دلوقتي فلسطين وما حولها من بادية الشام ، واللي كانت في الوقت ده مجرد صحاري وخيام ونمط حياة بدائي جدا

لما أخوة يوسف وصلوا «مصـر» علشان يطلبوا طعام ومعونة.. فجأة وجدوا أمامهم حرس الحدود المصري اللي وقفهم وسألهم رايحين فين ؟!

طبعا أخوة يوسف انبهروا من الجنود المصريين.. لأنهم لأول مرة يشوفوا حاجة بالشكل والتنظيم ده .. يونيفورم عسكري موحد .. نظام رتب عسكرية صارم .. سلاح متطور .. عجلات حربية مدهشة.. اجراءات ادارية مُحكمة من توثيق لأسماء الداخلين..و تفتيش وتدوين لما يحملونه من بضائع .. وتصاريح دخول...... إلخ

دخلوا «مصــر» وهما برضه منبهرين من اللي شافوه، لأنهم وجدوا نفسهم أمام بنايات ضخمة.. انشاءات ومنشآت عملاقة.. جيش نظامي مُسلّح بتراتبية عسكرية صارمة .. مصالح حكومية و دواوين و وزارات و قصور..دولة كاملة عفية بالمعنى والمفهوم الحديث

استمروا في طريقهم في حراسة الجنود المصريين حتى وصلوا قصر الحكم لمقابلة عزيز مصر ، فوجدوا أُبهة المُلك في أفخم وأبهى صورها ..ديوان مُلك مهيب.. قاعة عرش فخمة .. خدم وحشم وحرس و ياوران وحُجّاب (السكرتارية بالمفهوم الحديث) ...موظفيين اداريين ... عمال...وووو

حتى في مشاهد الطعام ، اخوة يوسف اندهشوا لما شافوا المصريين وهما قاعدين على موائد الطعام وبيستعملوا أدوات مائدة زي الشوك والملاعق ، بينما في المقابل كان أخوة يوسف بياكلوا بايديهم وهما جالسين على الأرض وبدون استخدام أي أدوات مائدة لتناول الطعام.

باختصار كانت مظاهر التمدن والتحضر عند المصريين واضحة في كل مشهد وكل تفصيلة من تفاصيل المسلسل ، في مقابل مشاهد البدائية والبداوة عند غيرهم من الأمم والشعوب

.

القرآن الكريم نفسه استخدم لفظ القرية والقرى مع جميع البلاد تقريبا ، إلا مصر فقد استخدم معها لفظ المدينة والمدائن ، مثل (وَقَالَ نِسْوَةٌ فِي الْمَدِينَةِ).. (قَالُوا أَرْجِهْ وَأَخَاهُ وَأَرْسِلْ فِي الْمَدَائِنِ حَاشِرِينَ)...(فَأَرْسَلَ فِرْعَوْنُ فِي الْمَدَائِنِ حَاشِرِينَ) في اشارة إلى التمدن والتحضر الذي كانت عليه مصــر دونا عن كل البلاد

.

مصر عظيمة من آلاف السنين..

مصر جاءت أولا ثم جاء التاريخ.

منقول

.