ذاكرة العشق "٤٢"

 ذاكرة العشق

"٤٢"

قالت له "طيب نخلية يغنى لجل النبى ...........

ذاكرة العشق "٤٢"

الحاج محمد الكحلاوى الله يرحمه، ويحسن إليه أما جه زارنى هو وأمى الحاجة سنة واحد وثمانين، بعد كده رحت مصر، وكنت قاعد معاه مرة، وأنا بزوره فى المستشفى، حكى لى حكاية قال لى: "أمك دى غريبة قوى!!"، قلت له:"ازاى؟"، بيقول: "كان فيه ليلة اسمها أضواء المدينة، وأحمد ابنى له أغنيتين فى فقرة واحدة أغنية له هو، وأغنية لجل النبى بتاعتى. فأنا حبيت أروح المسرح أشوف الأخبار، فأمك قالت لى:"رايح فين؟!"، قلت لها: "رايح ليلة أضواء المدينة."، قالت لى: "لأ ما تروحش خليك قاعد معانا، قعدت شوية، ولكن ودنى مع أضواء المدينة، فأحمد ابنى غنى الأغنية بتاعته، ونزل والمذيع قدم الفنان محمد عبده." راح الكحلاوى قال لها "كويس كده يا حاجة؟!"، وقال بزعل أهو "أنا كنت رايح علشان كنت خايف من كده!"، قالت له "يعنى أنت عاوزه يغنى لجل النبى؟!"، قال لها "أه"، قالت له "طيب نخلية يغنى لجل النبى!"، قال لها "ده المذيع قدم محمد عبده!"، قالت له "ميجراش حاجة، يقدمه تانى!!"، راح المذيع طالع، وقال "نأسف سوف يغنى المطرب احمد الكحلاوى أغنية لجل النبى!"، راح موطى على ايديها ورجليها يبوس فيها."، عليها رضوان الله .....

يتبع بمشيئة الله ............